ئۆردوغان و ترامپ لەسەر ناوچەی ئارام پەیوەندی تەلەفونی دەکەن

‌


سەرۆک کۆماری تورکیا، رەجەب تەیب ئەردۆغان و سەرۆکی ئەمریکا، دۆناڵد ترەمپ پەیوەندییەکی تەلەفۆنییان ئەنجامدا.


ئاژانسی ئاندۆڵ کەئاژانسی نزیک ئاک پارتی یە بڵاویکردەوە" بەپێی ئەو راگەیەندراوەی لە فەرمانگەی پەیوەندییەکان سەر بە سەرۆکایەتی کۆماری تورکیا بڵاوکراوەتەوە، لە میانی پەیوەندییە تەلەفۆنییەکەدا، باس لە پرسەکانی دووقۆڵی و ئاڵوگۆڕی بۆچوون لەبارەی ناوچە ئارام کرا کە بڕیارە لە رۆژھەڵاتی فوڕات دروستبکرێت".


ھەر لە پەیوندییە تەلەفۆنییەکەدا سەرکۆماری تورکیا، رەجەب تەیب ئەردۆغان ئاماژەی بەوەدا کە دروستکردنی ناوچەی ئارام مەرجە بۆ لەناوبردنی ھەڕەشەی تیرۆری پەکەکە/یەپەگە و رەخساندنی مەرجی گونجاو بۆ گەڕانەوەی پەنابەرانی سووری بۆ وڵاتەکەیان.


ھاوکات سەرکۆماری تورکیا، رەجەب تەیب ئەردۆغان و سەرۆکی ئەمریکا، دۆناڵد ترەمپ بڕیاریاندا مانگی تشرینی دووەمی داھاتوو لە واشنتۆن دیدارێک رێکبخەن.
ئەوە لە کاتێکدایە هەندێک میدیای تورکیا باس لەوە دەکەن ئەمەریکا تورکیای دەستکراوە کردووە بۆ هێرشکردنە سەر رۆژئاوای کوردستان.
 



AM:09:25:07/10/2019






ئەستێرەکان

Spee Media