پلەکانی گەرما لە هەرێمی کوردستان روویان لە بەرزبوونەوەیە و پسپۆڕانی تەندروستی لە دەڵێت بەرزبوونەوەی پلەکانی گەرما کاریگەری دەروونی و جەستەییان لێدەکەوێتەوە، هەروەها چەند رێنماییەک بۆ خۆپاراستن گەرما و تیشکی خۆر دەخەنەڕوو.
چەند رێنماییەک بۆ خۆپاراستن لە تیشكی خۆر:
- لەماڵەوە بمێنەوە و کەمتر بڕۆ دەرەوە و هەوڵبدە کەمترین تیشكی خۆر لە جەستەت بدات.
- خۆت دووربگرە لە شوێنە داخراوەکانی وەک نێو ئۆتۆمبێل، بەتایبەت بۆ منداڵان کە مەترسی لەسەریان دروستدەکات.
- هەوڵبدە کاتی چوونەدەرەوە جلوبەرگی رەنگ کاڵ لەبەربکەیت کە تیشكی خۆر دەدەنەوە بەراورد بە رەنگە تاریکەکان.
- کریمی دژەخۆر و شێدارکەرەوە بەکاربهێنە و چەندین جار دووبارەی بکەرەوە.
- بەرنەکەوتنی ڕاستەوخۆی تیشکی خۆر لە کاتژمێر ١٠ی بەیانییەوە تا ٤ ی پاش نیوەڕۆ.
- کڵاو لەسەر بکە و چاویلکە بەکاربهێنە.
- خواردنی جۆراوجۆر و دەوڵەمەند بە سەوزە و میوەکان و ئاسانهەرسەکان.
- ئاوی زۆر بخۆرەوە، کە مەترسی وشکبوونەوەی جەستە کەمدەکاتەوە. هەروەها هاوسەنگی پلەی گەرمای جەستە رادەگرێ.
- زیادەڕەوینەکردن لە خواردنی پاقلەمەنییەکان کە بۆ هەرس قورسن.
- زۆر خۆماندوونەکردن بە تایبەتی لەبەر گەرما و وەرزشکردنی سووک.
- چا، قاوە وکهول و خواردنەوە گازییەکان کەمبخۆرەوە، چونکە کافاینیان تێدایە و میزکردن زیاددەکەن، بەمەش جەستە وشکدەکەنەوە.