پێدەچێت دەسەڵاتدارانی ئینگلتەرا پرۆژەكەیان دەست پێ بكەن بۆ رێگری لەئالودەبوونی هاونیشتیمانییەكانیان بەخواردنەوە كحولییەكانەوە یاخود مەینۆشانەوە.
ئەو شێوازەش لەرێی حەبێكی تایبەتەوەیە كەبە(SELINCRO) و (NALMEFENE)ناسراوە و بڕیارە لەسەر 600 هەزار هاوڵاتی تاقی بكرێتەوە.
ئەم حەبە نوێیە حەزی ئەو كەسە ناهێڵێت كەدەیەوێ مادە كحولییەكان بخواتەوەو لەرێی فەرمانێكەوە كەلەمێشكەوە دەردەچێ رێگری لێ دەكات .
لەئێستادا ئەم حەبە لەسكۆتلەند بەكاردەهێنرێ و نرخەكەشی 3 پاوەنە، بەڵام لەئینگلتەرا بەنیازن لەكۆتایی مانگی تشرینی دووەمی داهاتوودا بڕیاری كۆتایی لەبارەیەوە بدەن.