ئەمشەو لە جامی شای ئیسپانیا بەرشلۆنە یاریەکی گرنگ دەکات

‌

ئه‌مشه‌و چوار شەممە ٣ی شوبات یارییه‌كانی قۆناغی هه‌شتی جامی شای ئیسپانیا درێژه‌ی ده‌بێت و دوو یاریی به‌ڕێوه‌ده‌چن، بارسێلۆنا له‌ ده‌ره‌وه‌ی یاریگه‌ی خۆیدا به‌رامبه‌ر گرانادا یاریی ده‌كات، هەروەها لێڤانتێ و ڤیاریاڵیش رووبەڕووی یەکدەبنەوە.


یەکەم یاری ئەمشەو کاتژمێری ٢١ لیڤانتێ رووبه‌ڕووی ڤیاڕیال ده‌بێته‌وه‌. کاتژمێر ٢٣ ش یانەی بەرشلۆنە ده‌بێته‌ میوانی یانه‌ی گرانادا.


بەرشلۆنە خاوه‌ن ژماره‌ی پێوانه‌ییه‌ له‌ بردنه‌وه‌ی جامی شای ئیسپانیا بە ٣٠ نازناو، لە پێکهاتەی ئەمرۆشیدا لە سێ یاریزانی به‌ هۆی پێكانی درێژخایه‌نه‌وه، بێ بەشە، ئه‌وانیش "پیكێ، ئانسۆ فاتی و كۆتینیۆ".


تا ئێستا‌ سێڤییا گه‌یشتووه‌ته‌ قۆناغی پێش كۆتایی، دوای ئه‌وه‌ی شه‌وی رابردوو به‌ ١-٠ گۆڵ له‌ ئه‌لمیریای برده‌وه‌.
 



PM:08:55:03/02/2021






ئەستێرەکان

Spee Media