ڕاپۆرتە ئیتاڵییەکان ئاماژە بەوە دەکەن کە گۆڵپارێزی یەکەمی ئینتەرمیلان یان سۆمەر تووشی شکانی پەنجەی گەورەی دەستی ڕاستی بووە.
بەهۆی ئەم پێکانە، گۆڵپارێزە سویسرییەکە لانیکەم بۆ ماوەی سێ هەفتە لە یاریگاکان دوور دەکەوێتەوە. بڕیارە لە کۆتایی مانگی ئازاردا دوای پشووی نێودەوڵەتی بگەڕێتەوە.
تا کۆتایی مانگی ئازار، ئینتەرمیلان ڕووبەڕووی یانەی جێنەوا، لازیۆ، ناپۆلی، مۆنزا، ئەتالانتا و ئودینێزی دەبێتەوە، دوو یاریش لە قۆناغی ١٦ی چامپیۆنزلیگ ئەنجام دەدات. لە هەموو ئەم یارییانەدا جۆزێپ مارتینێزی گۆڵپارێزی یەدەگی ئینتەرمیلان جێگەی ئەو دەگرێتەوە.
یانەکە بەردەوامە لە ململانێکان بۆ بەدەستهێنانی نازناوی خولی ئیتاڵیا، چونکە لە دوای ناپۆلی پێشەنگەوە لە پلەی دووەمدایە.