جود بێلینگهام ڕووبەڕووی قۆناغێکی سەخت دەبێتەوە دوای گەڕانەوەی زوو لە نەشتەرگەری شانەکانی.
ئەو یاریزانە نەیتوانی ئاستێکی چاوەڕوانکراو پێشکەش بکات، جا چ لە دێربی بەرامبەر ئەتلەتیکۆ مەدرید یان یاری چامپیۆنزلیگ بەرامبەر کایرات ئەلماتی.
یاریزانە ئینگلیزەکە مانگێکی تەواو پێشتر بەپەلە گەڕایەوە ناو یاریگا، ئەمەش کاریگەری نەرێنی لەسەر ئاستی یاریزانەکەی هەبوو، دوور بوو لە باشترین ئاستی خۆی، نەیتوانی کاریگەرییەکی ڕوون لە هێرشبەریدا دروست بکات و لە کۆتایی هەردوو یارییەکەدا بێزار دەرکەوت.
نیگەرانی لەناو یانەکەدا زیاد دەکات لەسەر ئەم گەڕانەوە بەپەلەیە، بەتایبەتی کە بێلینگهام هێشتا ڕیتمی خۆی نەدۆزیوەتەوە.
لەلایەکی دیکەوە یانەی ڕیال مەدرید ڕووبەڕووی یارییەکی سەخت دەبێتەوە بەرامبەر ڤیاریال، لەو ماوەیەدا خابی ئەلۆنسۆ پێویستی بە چارەسەری خێرا هەیە بۆ ئەوەی ئەستێرە ئینگلیزیەکەی بگەڕێنێتەوە ناو تیپەکە.