ڕۆژنامەی "مارکا"ی ئیسپانی لە ڕاپۆرتێکی نوێدا پەردەی لەسەر داهاتووی چەند یاریزانێکی یانەی ڕیاڵ مەدرید لادا و ئاماژەی بەوە کردووە کە بەشێک لە ئەستێرەکان لە یاریکردن بە درێسی مێرێنگی نزیکبوونەتەوە لە کۆتایی.
ئەوانەی هەلی مانەوەیان کەمە
بەگوێرەی سەرچاوەکە، هەردوو یاریزان دەیڤید ئالابا و دانی سیبایۆس لە لوتکەی لیستی ئەو یاریزانانەدان کە هەلی مانەوەیان زۆر کەمە پێدەچێت یانەکە لە هاوینی داهاتوودا دەستبەرداریان بێت.
دۆخی یاریزانانی کۆتایی گرێبەست
سەبارەت بەو یاریزانانەی گرێبەستەکانیان لە هاوینی 2026 کۆتایی دێت:
ئەنتۆنیۆ ڕۆدیگەر: هەرچەندە گرێبەستەکەی بەرەو کۆتایی دەچێت، بەڵام بەهۆی ئاستە بەرزەکەیەوە توانیویەتی متمانەی کارگێڕی یانەکە بەدەستبهێنێت و بڕیاری بەردەوامبوونی دراوە.
دانی کارڤاخال: دۆخی کاپتنەکەی ڕیاڵ مەدرید جیاوازە. گرێبەستەکەی لە 30ی حوزەیران تەواو دەبێت، بەڵام یانەکە بڕیاری داوە سەرپشکی بکات لە بڕیاردان و ڕێز لە ئارەزووی خۆی بگرێت، چونکە بە یەکێک لە هێما مێژووییەکانی یانەکە دادەنرێت.
کۆچی بەکۆمەڵی خاوەن گرێبەستەکان؟
ئەوەی جێی سەرنجە، هەندێک یاریزان سەرەڕای هەبوونی گرێبەست، ناویان لە لیستی فرۆشتندایە، لەوانە:لەسەرووی هەموویانەوە هەردوو یاریزان کاماڤینگا و ئاسینسیۆ.
هەروەها هەریەکە لە فران گارسیا و گۆنزالۆ ئەگەری هەیە لە چوارچێوەی گۆڕانکارییەکانی یانەکەدا ڕیزی مێرێنگی جێبهێڵن.