میدیاکانی ئیسپانیا بڵاویانکردەوە کە کێشەکانی ئەم دواییەی مباپێ لەگەڵ یانەی ڕیال مەدرید گەیشتووەتە قۆناغێکی هەستیار و بڕیارە سەرۆکی یانەکە بەپەلە بێتە سەر خەت.
خۆرخی پیکۆن، ڕۆژنامەنووسی دیاری ئیسپانی ڕایگەیاند کە فلۆرێنتینۆ پێرێز، سەرۆکی یانەی ڕیال مەدرید و کیلیان مباپێ لە چەند کاتژمێری داهاتوودا کۆبوونەوەیەکی تایبەت و بەپەلە ئەنجام دەدەن.
بەپێی زانیاریی سەرچاوەکان، ئەم کۆبوونەوەیە دوای تێکچوونی پەیوەندییەکانی نێوان مباپێ و یانەکە دێت، بەتایبەت دوای لێدوان و ڕەفتارەکانی ئەم دواییەی یاریزانەکە لە کاتی یارییەکاندا. پێرێز دەیەوێت لەم کۆبوونەوەیەدا ڕاستەوخۆ قسە لەگەڵ مباپێ بکات بۆ چارەسەرکردنی بارودۆخەکە و کەمکردنەوەی ئەو ئاڵۆزییانەی لە ناوخۆی تیپەکەدا دروست بوون.