لە درێژەی رکابەرییەکانی مۆندیالی 2026، هەڵبژاردەی ئەڵمانیا توانی بەربەستی کۆتدیڤوار تێپەڕێنێت و بلیتی قۆناغی داهاتووی پاڵەوانێتییەکە مسۆگەر بکات.
ئەڵمانیا کە لە سەرەتای یارییەکەوە بەگۆڵێک دواکەوت، کاتێک کیسێ لە خولەکی 30 گۆڵی پێشکەوتنی بۆ کۆتدیڤوار تۆمارکرد، بەڵام لە گێمی دووەمدا سیناریۆی یارییەکە بە تەواوی گۆڕا.
دینیس ئۆنداڤ، ئەستێرەی بە ڕەگەز کوردی هەڵبژاردەی ئەڵمانیا، ڕۆڵی سەرەکی بینی لە گەڕانەوەی ئەڵمانیا بۆ کەشی یارییەکە. ئۆنداڤ سەرەتا لە خولەکی 68 ئەنجامەکەی یەکسان کردەوە، پاشان لە ساتەکانی کوشندەی یارییەکەدا و لە خولەکی 94 گۆڵی بردنەوە و گەیشتنە قۆناغی داهاتووی بۆ "مانشافت" تۆمارکرد.
بەو دوو گۆڵە، ئۆنداڤ ژمارەی گۆڵەکانی خۆی لەم مۆندیالەدا گەیاندە 3 گۆڵ. هەروەها بە لەبەرچاوگرتنی 2 ئەسیستەکەی پێشووی، ئەم یاریزانە کوردییە تا ئەم ساتە یەکێکە لە کاریگەرترین و دیارترین ئەستێرەکانی جامی جیهانی 2026.