بەپێی ئەو زانیارییانەی کاتیا ئاڤێرۆی خوشکی ئەفسانەی تۆپی پێ، کریستیانۆ ڕۆناڵدۆ، لە لێدوانێکیدا ئاشکرای کردووە، ئەستێرە پورتوگالییەکە بڕیاری کۆتایی خۆی داوە سەبارەت بە داهاتووی لەگەڵ هەڵبژاردەی وڵاتەکەی.
بەگوێرەی ئەو سەرچاوەیە، ڕۆناڵدۆ پلانی هەیە دوای کۆتاییهاتنی یارییەکانی جامی جیهانی (مۆندیال)، بە یەکجاری واز لە یاریکردن بۆ هەڵبژاردەی پورتوگال بهێنێت و پەردە لەسەر قۆناغێکی مێژوویی پڕ لە دەستکەوت لە ژیانی وەرزشی خۆی دابخات.
ئەم هەواڵە دەنگدانەوەیەکی گەورەی لە ناو جیهانی وەرزشیدا دروست کردووە، بەتایبەت کە هەوادارانی تۆپی پێ بە پەرۆشەوە چاوەڕێی کۆتا دەرکەوتنی ئەم ئەفسانەیە دەکەن لە گەورەترین ڕووداوی وەرزشی جیهاندا.