KFA- رۆژی شەممە 4-4-2015 لە بارەگای خۆیدا یەكێتی تۆپی پێی كوردستان بە ئامادەبوونی سەرۆك و جێگر و گشت ئەندامان كۆبوونەوەی خۆی ئەنجام دا و چەند بڕیارێكی گرنگی دا.
1- راگرتنی سەرپەرشتیاری یانەی ئاڵا رێبین مەولود بەیاوەرینەكردنی تیپەكەی لە یاری داهاتوو بەهۆی دەركردنی لە یاری نێوان یانەكەیان و یانەی هەڵەبجەی شەهید لە خولی پلە یەكی كوردستان و غەرامكردنی بە بڕی (250000) دووسەدوپەنجا هەزار دینار.
2- ئاگاداری سەرجەم یانەكانی كوردستان دەكەینەوە كە پێویستە لە وەرزی (2015-2016) یاریگەكانیان بەشێوەیەكی شیاو و رێكوپێك ئامادە بكەن ئەگەرنا پێش دەستپێكردنی وەرزی نوێ لێژنەی یاریگەكان سەردانی یاریگەكان دەكات و ئەگەر ئەم پێداویستیانەی خوارەوە بە تەواوی دابین نەكرابێت یارییەكان لەم یاریگەیەدا بەرێوە ناچێت.
أ- چیمەنی یاریگە شیاوی یاریكردن بێت.
ب- یاریگە بەشێوەیەكی توندوتۆڵ تەڵبەند كرابێت (BRC)
ج- ژووری شیاو بۆ تیپەكان لەگەڵ پێداویستیەكانی نێو ژوور.
د- دابینكردنی (W.C) لەسەرجەم ژوورەكانی یاریگە.
و- دابینكردنی ژووری شیاو بۆ سەرپەرشتیار و دەستی ناوبژیوانان.
ه- شوێنی شایستە و تایبەت بۆ میدیاكاران.
ح- رێكخستن و جیاكردنەوەی شوێنی چوونە نێو یاریگە بۆ یاریزانان و ناوبژیوانان.
3- لە یاریی نێوان هەردوو یانەی هندرێن و دهۆك لە خولی پلە نایابەكانی كوردستان بەهۆی گوتنی قسەی ناشیرین بە یاریزانی یانەی دهۆك لە لایەن راهێنەری یانەی هەندرێن دلشاد مەعروف بڕیاردرا:
أ- راگرتنی راهێنەری هندرێن دلشاد مەعروف بۆ یەك یاری داهاتووی یانەكەی.
ب- غەرامكردنی بە بڕی (250000) دووسەدوپەنجا هەزار دینار.
4- لە یاریی نێوان هەردوو یانەی نەورۆز و زێرەڤانی لە خولی پلە نایابەكانی كوردستان بەهۆی هەڵدانی دەبەی ئاو بۆ نێو یاریگە و كۆنترۆڵنەكردنی جەماوەر لە لایەن یانەی نەورۆز بڕیاردرا:
أ- غەرامكردنی یانەی نەورۆز بە بڕی (250000) دووسەدوپەنجا هەزار دینار.
ب- ئاگاداری یانەی نەورۆز دەكەینەوە بە كۆنترۆلكردنی یاریگە و جەماوەر.
5- ئاگەداری یانەی هەولێر دەكەین، كە بەشێوەیەكی رێكوپێك ژووری تیپی میوان ئامادە بكەن.
شاهۆ فایق