لە پاش دەستبەکاربوونی لە راهێنەرایەتی یانەی ریاڵ مەدرید، سانتیاگۆ سۆلاری ئەرجەنتینی ئەمڕۆ دوای بەشداریکردنی لە راهێنانەکان لەگەڵ یاریزانانی یانەی ریاڵ مەدرید، بەشداری لە کۆنگرەی رۆژنامەوانی کردو باسی لە دۆخی یانەکەی و یاریزانەکانی کرد.
سۆلاری لە پرێس کۆنفرانسەکە رایگەیاند ژوری جلگۆڕینی یاریزانەکانم رۆخاوەو هیوایان نەماوە، بەڵام ئەوان دەیانەوێت بگەڕێنەوە بۆ دۆخی جارانی خۆیان و ئێستاش من ژمارەیەک یاریزانی جەنگاوەرم لە بەردەستدایەو دەمانەوێت بگەرێینەوە.
هەروەها وتی" پۆستی مەشق و راهێنانی ریاڵ مەدرید دەرفەتێکی گەورەیە لە ژیانی هەرکەسێکداو ئەم یانەیە لە هەموومان گەورەترە کاتێک کاری تێدەکەین.
راشیگەیاند یاری سبەی بەرامبەر بە میلیلا گرنگە وەکو یاریەکانی تر و دەمانەوێت بردنەوە تۆمار بکەینەوە و هەموو یاریزانەکانیشم بە باشی ئامادەن بۆ ئەو یاریەو دەیانەوێت بردنەوە تۆمار بکەن.