ئەمرۆ دووشەممە دەستەی راھێنەرانی یانەی ھەولێر بەفەرمی دەستلەکارکێشانەوەی خۆیان پێشکەش بە یانەکە کرد.
دەستەی کارگێری یانەی ھەولێر لە کۆبوونەوەی خۆیدا بەفەرمی دەستلەکارکێشانەوەی ھەریەکە لە بەرێزان ( نازم شاکر) و ( فاروق عەبدئەلجاسم) یاریدەدەری راھێنەر و ( ھادی جابر) راھێنەری گۆلپارێز قبولکرد و سوپاسی ستافی راھێنەرانیان کرد، کە لەم ماوەیەدا ئەرکی راھێنەرایەتی یانەکەیان وەرگرت.
ھەر لەم کۆبوونەویدا بەفەرمی یانەی ھەولێر (ئەکرەم ئەحمەد سەلمان) وەکو راھێنەر دەستنیشان کرا و ھەریەکە لە (تەھا قادر) و ( حەیدەر مەحمود) بووە یاریدەدەری راھێنەر و (کاوە ئیبراھیم) بووە راھێنەری گۆلپارێز.
ستافی راھێنەران لە رۆژی سێشەممە دەستبەکار دەبێت و یاری یانەی ھەولێر بەرانبەر نەفت میسان دەبێتە یەکەم یاری فەرمی دەستەی راھێنەران.
جێگەی باسە ئەکرم سەلمان یەکەم نازناوی خولی نایابی عێراقی بۆ یانەی ھەولێر بەدەست ھێنا لە وەرزی (٢٠٠٦-٢٠٠٧) و راھێنەرایەتی چەندین یانەی عێراق و ئوردن و یەمەن و بەحرێن بەرێوەبردووە و راھێنەرایەتی ھەلبژاردەی عێراق کردووە.
راگەیاندنی یانەی هەولێر