ئه‌مرۆ چوار شه‌ممه‌ 7-10-2020  ئه‌نجامه‌كانی قۆناغی دوانزه‌ی خوێندگاكانی عێراق ڕاگه‌یاندرا و یاریزانێكی  تایكواندۆی كه‌ركوك  نمره‌ی به‌رزی به‌ده‌ستهێنا .

ئه‌حمه‌د عبدولجه‌باری له‌ دایكبووی (2001 ) یاریزانی تیپی تایكواندۆی یانه‌ی سۆلاڤ سه‌باره‌ت به‌ ئه‌نجامی له‌ سه‌ر ئاستی خوێندن و وه‌رزشدا بۆان دوا و وتی "  له‌ ته‌مه‌نی پێنج سالییه‌وه‌ و ه‌كاریگه‌ری برا گه‌وره‌كه‌م  ( محه‌مه‌د ) كه‌ یاریزانی هه‌ڵژاردی عێراق یاری تاكواندۆ ".

هه‌روه‌ها ووتیشی " لە سه‌ر ئاستی تازه‌پێگه‌یشتووانی عێراق دووه‌م و سێهه‌مم به‌ده‌ستهێناوه‌ و له‌ سه‌ر ئاستی لاوان  دووه‌می  كوردستان بووم " .

سه‌باره‌ت به‌و نمره‌یه‌ له‌ تاقیكردنه‌وه‌ی كۆتایی ساڵی ئه‌زموونه‌ گشتیه‌كان به‌ده‌ستی هێناوه‌ ئه‌و یاریزانه‌ ووتی :" شكور بۆ خوا تووانیم تێكرای نمره‌ی (99 %) به‌ده‌ست بهێنم له‌ به‌شی زینده‌یی ". 
محه‌مه‌د  دووپاتی كرده‌وه‌ كه‌ وه‌رزش به‌ هیچ شێوه‌یه‌ك كاریگه‌ری نه‌بوو له‌ سه‌ر خوێندنه‌كه‌ی ، گرنگ ئه‌وه‌یه‌ له‌ نیوانیاندا به‌رنامه‌ رێژی  هاوسه‌نگی هه‌بێت ، له‌ هه‌مووشیان ئیراده‌ی خودی خۆت ".