یەکێتی نوسەرانی کورد لەبارەی ئەو ٢٤ پرسیارەی زمان و ئەدەبی کوردیەوە کە ١٤ تایبەت بووە شاعیری گەورەی کورد هەژار موکریاری رەخنەت توند دەگرێت.

کاتێک نالۆژیکی دەبێتە لۆژیک بەیاننامەی

 یەکێتی نووسەرانی کورد لقی سلێمانی بەداخەوە دانیشتوانی یٔەم هەرێمەی یٔێمە بە یٔەندازەیەک بابەت و دۆخی ناڕێک و ناسروشتی یٔەزموون دەکەن، لە داهاتوودا چاوەڕوان دەکرێت بابەتە ڕێک و سروشتییەکانیان لە بیربچێتەوە. لەهەمبەر وەها بارێکدا یٔەرکی لایەنە پەیوەست و پەیوەندیدارەکانە ڕێگا نەدەن ،هەموو شتەکان بەو ناهەمووارییە تێبپەڕن و چیتر دیاردە نالۆژیکییەکان شوێن بە لۆژیک لەق نەکەن. لەو سۆنگەیەوە یٔێمە وەک یەکێتی نووسەرانی کورد/لقی سلێمانی بە یەکێک لە یٔەرکەکانی خۆمانی دەزانین سەرنجتان بۆ یەکێک لە بابەتە سەیر و نامۆکانی دوو ڕۆژی ڕابردوو ڕابکێشین، یٔەویش پرسیارەکانی تاقیکردنەوەی نیشتیمانیی وانەی (زمان و یٔەدەبی کوردی)ی (پۆلی نۆی بنەڕەتی) یە، کە لە کۆی (٢٤) پرسیار (١٤) پرسیاریان وەڵامەکەی (هەژاری موکریانی) یە. یٔەمەش ڕووبەرێکی زۆری وەڵامەکان پێکدەهێنێت و هیچ لۆژیکێکی تێدا نییە، لە کاتێکدا شاعیری ناوبراو نکوڵی لە بەرهەمەکانی ناکرێت و پێگەی تایبەتی خۆیانیان هەیە، بەڵام شان بە شانی ناوبراو کەم نین یٔەو شاعیر و نووسەرانەی هاوشێوە یاخود زیاتریش لە یٔەو خەمی پرسەکانی نەتەوە و نیشتیمانیان بووە و یٔامادە بوون لە پای ناسنامەی نەتەوە و بەهای نیشتیماندا نەک هەر یٔەدەبیات و نووسین، بگرە گیانیش ببەخشن.

یٔەگەر بە خێرایی سەرنجێکی پرسیارەکانی وانەی یٔاماژە بۆ کراو بدەین، بۆمان دەردەکەوێت کە یٔەوەی سەرەتایەکی سادە لە بواری فێرکردندا بزانێت و کەمێک شارەزای میکانیزمەکانی دانانی پرسیار بێت تێدەگات کە یٔەوەی ڕوویداوە سەرباری یٔەوەی گرفتێکی زانستی بەرچاوە، هاودەم دروستکردنی جۆرێک لە سەرنجە لەسەر یٔەو شاعیر و نووسەرە، بەوپێیەی ناوبراو لە خێزان و بنەماڵەیەکی دیاریکراو و نزیک بووە ،مەودایەکی زۆری لە شیعر و نووسینەکانی بۆ پیاداهەڵدان و ستایشکردنی کەسانی یٔەو بنەماڵەیە تەرخان کردووە کە لە ڕاستیدا بە هەردوو بارەکەدا گرفتێکی مەترسیدار و نیگەرانکەرە، چونکە لە یٔێستای هەرێمەکەماندا زیاتر لە هەر بابەتێک بابەتەکانی (لایەنگیریی و خۆسەپاندن و هەوڵدان بۆ سڕینەوەی یٔەویتر...) بە زیانی گەلەکەمان لەم بەشەی وڵاتەکەماندا دەشکێتەوە.

لە کۆتاییدا یٔێمە پێمان وایە یٔەم گرفتە لە هەر ڕەهەندێکەوە سەرچاوە بگرێت شایەنی لەسەر وەستان و یٔیدانەکردنە و پێویستە هەمووان لە ڕووی هەر مەترسییەکدا هۆشیار بین و ڕێگا نەدەین وەک هەر شتێکی یٔاسایی بەسەرماندا تێپەڕێت. بە شێوەیەکی تایبەتیش لەبەریٔەوەی یٔەم بابەتە پەیوەستە بە دوو بواری زیندووەوە کە یٔەدەب و پەروەردەن،نووسەران لەم بوارەدا ساڵانێکی زۆرە خەبات دەکەن بۆ نەهێشتنی جیاکاری و نادادپەروەریی چۆن دەبێت بێدەنگبین لەیٔاست بە کارهێنانی یٔەو دوو کایە مەعریفییە بۆ بڵاوکردنەوەی نالۆژیکیبوون.

یەکێتی نووسەرانی کورد/لقی سلێمانی ٢٤/٦/٢٠٢١