بەڕێوەبەرایەتی هاتووچۆی هەولێر ڕایدەگەیەنێت" لە ئەنجامی ڕووداوێكی هاتووچۆ كەسێك گیانی لەدەستدا و پێنج كەسی دیكەش برینداربوون".
فازل حاجی، وتەبێژی بەڕێوەبەرایەتی هاتووچۆی هەولێر ڕایگەیاند" ئێوارەی دوێنێ لەنزیك گوندی شاخۆڵان، پێكدادانێكی ڕووبەڕوو ڕوویدا لەنێوان دوو ئۆتۆمبێلی تایبەت لەجۆرەكانی تویۆتا كامری و كرۆلا، بەداخەوە لەدەرەنجامی ڕووداوەكە كەسێك گیانی لەدەستداو پێنج كەسیش بریندار بوون، زیانێكی زۆری مادیش كەوتەوە".
باسی لەوەشکردووە، هۆكاریش بۆ كەوتنەوەی ڕووداوەكە تیژڕۆیی و دەرچوون بۆ لەسایدی ڕۆیشتن و چوون بۆ سایدی بەرامبەر لەلایەن شوفێری كرۆلا، كەبەداخەوە هەر خۆشی لەڕووداوەكە گیانی لەدەستدا.