بەڕێوەبەرایەتی گشتی کەشناسی و بوومەلەرزەی هەرێم پێشبینی کەشوهەوای ئەمڕ ۆ و سبەی راگەیاند و پێشبینی دەکات کە پلەکانی گەرما ٦-٨ روو لە دابەزین بکات.
کەشناسی لە راگەیاندنێکدا دەڵێت " لە رۆژی هەینی پلەکانی گەرما نزم بوونەوەیەکی بەرچاو بەخۆی دەبینێت، جیاوازی نزم
بوونەوە لە پلەکانی گەرما لە نێوان (6-8) پلەی سیلیزی دەبێت بە بەروارد لەگەڵ ئەو چەند رۆژەی پێشووتر".
هەروەها هاتووە " بەرزترین پلەکانی گەرما لە تەواوی ناوچەکەمان نزم دەبێتەوە .بەرزترین پلەی گەرمای پێشبینیکراو لە سەنتەری پارێزگاکان بەم شێوەی خوارەوە دەبێت
:
هەولێر لە نێوان (36-39) پلەی سیلیزی
سلێمانی لە نێوان (36-37) پلەی سیلیزی
دهۆک لە نێوان (36-37) پلەی سیلیزی
کرکووک لە نێوان (40-42) پلەی سیلیزی
هەڵەبجە لە نێوان (37-39) پلەی سیلیزی
لە کۆتایشدا هاتووە " ئەم نزم بوونەوەیە لە پلەکانی گەرما تاکو ڕێکەوتی 7-9-2021 رۆژی سێ شەممه بەردەوامی دەبێت .پاشان چەند پلەیەکی کەم روو لە بەرزبوونەوەیەکی کەم دەکات ".