سەرۆکی هەرێمی کوردستان دوای کۆتاییهاتنی کۆبوونەوەی لەگەڵ جۆزێپ بۆرێل، بەرپرسی سیاسەتی دەرەوەی یەکێتیی ئەوروپا لە کۆنگرەیەکی رۆژنامەوانی هاوبەشدا ئاماژەی بەوەکرد" لە کۆبوونەوەکەدا باسمان لە بەرەنگاربوونەوەی شەڕی دژی داعش و هەڵبژاردنە پێشەوەخەتەکەی عیراقمان کرد".
نێچیرڤان بارزانی سەرۆکی هەرێمی کوردستان ئێوارەی ئەمڕۆ سێشەممە لە کۆنگرەیەکی ڕۆژامەوانی هاوبەشدا ڕایگەیاند" سوپاسی یەکێتی ئەوروپا دەکەین بۆ هەموو ئەو هاوکارییانەی پێشکەشی کوردستان و عیراقی کردووە، داوا دەکەین پشتیوانمان بن بۆ رێگریکردن لە کاریگەرییە خراپەکانی گۆڕانی کەشوهەوا".
ئاماژەی بەوەشکرد، لە کۆبوونەوەکەدا گفتوگۆ لەبارەی ئاسایش و سەقامگیریی پەیوەندییەکانی یەکێتیی ئەوروپا لەگەڵ عێراق، پەیوەندی و کێشەکانی نێوان هەولێر و بەغدا، شەڕی دژی داعش و هەڕەشەکانی، هەڵبژاردنەکانی عێراق و گرنگیی بەشداریکردنی تیمەکانی چاودێریی یەکێتیی ئەوروپا، دۆخی ناوچەکە، پرسی کۆچ و چەند بابەتێکی دیکەی جێگەی بایەخی هاوبەش کرا.
نێچیرڤان بارزانی باسی لەوەشکرد، گۆڕانی كهشوههوا كاریگهری لهسهر جیهان ههیه و ئێمهش له دهرهوهی ئهو كاریگهرییه نین، تا دێت روونتر دهبێتهوه كه گۆڕانی كهشوههوا بۆ ئاسایش و پێشكهوتنی عیراق مهترسییه و داوا لە یەکێتی ئەوروپا دەکەین هاوکارییمان بکەن بۆ رووبەڕووبوونەوەی ئەو گۆڕانکارییە لە کەشوهەوادا روویداوە.
لای خۆشییەوە جۆزێپ بۆرێلیش بەرپرسی سیاسەتی دەرەوەی یەکێتی ئەوروپا وتی" هەرێمی کوردستان و هێزی پێشمەرگە رۆڵی گەورەیان هەبووە لە تێکشکاندنی داعش، ئەوانیش بەردەوام دەبین لە هاوکاریکردنی هێزەکانی پێشمەرگە و هەرێمی کوردستان لەو شەڕە".
بەیانی ئەمڕۆ سێشەممە جۆزێپ بۆرێل، بەرپرسی سیاسەتی دەرەوەی یەكێتی ئەوروپا بە یاوەری شاندێك گەیشتە هەرێمی كوردستان و لە فڕۆكەخانەی نێودەوڵەتی لەلایەن سەفین دزەیی، بەرپرسی فەرمانگەی پەیوەندییەكانی دەرەوە پێشوازی لێكرا.