ئەمشەو بەڕێوەبەرایەتی دژەتیرۆری كوردستان (CTG) لە تۆمارێکی ڤیدیۆیدا دانپێدانانی تیرۆرستێکی بڵاوكردەوە كە دەستی هەبووە لە شەهیدکردنی پێشمەرگەیەکدا.
بەڕێوەبەرایەتی گشتی دژەتیرۆر دەقی دانپێدانانی تیرۆرستێک بە ناوی (ئەحمەد رەحیم ئەحمەد محەمەد) بڵاوکردەوە، کە لە ساڵی ٢٠١٤وە پەیوەندیی بە رێکخراوی تیرۆرستی داعشەوە کردووەوە و لە کردەوەیەکی تیرۆرستیدا لە مانگی رەمەزانی ئەمساڵ و رۆژی عارفەدا دەستی لە شەهیدکردنی پێشمەرگەیەک هەبووە.
باسی لەوەشكردووە: پاش ماوەیەکی کەم لە ئەنجامدانی ئەو کردەوە تیرۆرستییە لەلایەن هێزەکانی دژەتیرۆرەوە دەستگیرکرا.