بەرپرسی لیژنەی باڵای هەڵبژاردنی یەکێتی ڕایدەگەیەنێت" یەکێتی ئەنجامی ھەڵبژاردنی لە ھەولێر رەتکردۆتەوە".
بەرپرسی لیژنەی باڵای هەڵبژاردنی یەکێتی لە هەولێر لە کۆنگرەیەکی ڕۆژنامەوانیدا ڕایگەیاند" ئەنجامەکانی هەڵبژاردن لە هەولێر ڕەتدەکەینەوە و ئەنجامەکان دەستکاری کراون".
ئەوەشی خستەڕوو: كە دەنگی كاندیدانی یەكێتی و هاوپەیمانی كوردستان و لایەنەكانی دیكە كەمكراونەتەوە.
وتیشی" وەک یەکێتی سکاڵامان تۆمارکردووە و چاوەڕوانی ئەنجامی سکاڵاکەین".
هاوکات لەبارەی ڕێککەوتنی پارتی و نەوەی نوێ، لیژنەی باڵای هەڵبژاردنی یەکێتی ئەوەشی خستەڕوو: ئەنجامەکانی هەولێر و دهۆک نەک ڕێککەوتنی ناوخۆی لەسەر کراوە، بەڵکو دەستی دەرەکیشی تێدایە.