دادگاکانی تورکیا بەتۆمەتی ئەندامێتی و بانگەشەکردن بۆ پەکەکە سزای سێ ساڵ زیندانیکردنی بەسەر هۆزان جانێ، خانمە هونەرمەندی باکووری کوردستان سەپاند.
ئاژانسی هەواڵی فورات نیوز بڵاویکردەوە" بەتۆمەتی ئەندامێتی لە رێكخستن و بانگەشە و هاوكاری پەكەكە، دادگاییکردنی هۆزان جانێ خانمە هونەرمەندی باکووری کوردستان لە سێیەمین دادگای سزا قورسەکانی ئەدرنە ئەنجامدرا و تێیدا بە سێ ساڵ و ١٥ رۆژ زیندانیکردن سزادرا".
ئەوەشی خستەڕوو: هۆزان جانێ بەشداری لە دانیشتنەکە نەکرد، بەڵام پارێزەرەكانی ئامادەبوون و بەرگرییان لەو هونەرمەندە كرد.
هۆزان جانێ یه‌كێكه له هونه‌رمه‌نده به‌ناوبانگه‌كانى كورد، له ساڵى ١٩٧١ له باكورى كوردستان له دایك بووه، له‌سه‌ر ئاستى نێوده‌وڵه‌تى چه‌ندین جار خه‌ڵاتى وه‌رگرتووه و هه‌ڵگرى ره‌گه‌زنامه‌ى ئه‌ڵمانییه.