ئەنجومەنی ئاسایشی نێودەوڵەتی رایدەگەیەنێت" پێویستە کە به‌شێوه‌یه‌كی ئاشتییانه حكومه‌تێكی گشتگیر له عێراق دروست ببێت".
ئەنجومەنی ئاسایشی نەتەوە یەکگرتووەکان لە ڕاگەیەندراوێکدا داوا لە هەموو لایەنەکانی عێراق دەکات، ئارامی پیشان بدەن و رێز لە ئەنجامی هەڵبژاردنەکان بگرن، هەروەها هەموو ناڕه‌زاییه‌کیش به‌رامبه‌ر ئەنجامەکانی هەڵبژاردن پێویست دەکات بەشێوەیەکی ئاشتیانە و بەیاسا یەکلایی بکرێتەوە.
لە ڕاگەیەندراوەکەدا ئەنجومەنی ئاسایش باسی لەوەشکردووە: هەر کە ئەنجامەکان یەکلاکرانەوە، هیواخوازین بەشێوەیەکی ئاشتیانە حکومەتێکی گشتگیر پێکبهێندرێت کە رەنگدانەوەی خواستی خەڵکی عێراق بێت بۆ دیموکراسییەکی بەهێزتر.
ئەوەشی خستەڕوو: دەستخۆشی لە کۆمسیۆنی هەڵبژاردنەکانی عێراق و نوێنەرایەتی نەتەوە یەکگرتوەکان لە عێراق و حکومەتی فیدڕاڵی دەکەین کە رۆڵی بەرچاویان هەبووە لەسەرخستنی هەڵبژاردنەکەی ١٠ی تشرینی یەکەم.