وەزارەتی پێشمەرگەی هەرێمی كوردستان رایگەیاند
" کاتژمێر ٦ی بەیانی ئەمڕۆ دووشەممە گەڕان و پشكنینێكیان بەدوای تیرۆرستانی
داعش و پاشماوكانیان ئەنجام دا".
وەزارەتی پێشمەرگەی هەرێمی كوردستان بڵاوی
کردەوە، ئەمڕۆ ٢٩ی تشرینی دووەمی ٢٠٢١، كاتژمێر ٦ ی بەیانی، میحوەری یەكی هێزەكانی پێشمەرگە
لە گوند و ناوچەكانی دەرەوەی هێزەكانی پێشمەرگە لە میحوەری یەك و گوندەكانی سنوری
كوڵەجۆ، گەڕان و پشكنینێكیان بەدوای تیرۆرستانی داعش و پاشماوكانیان ئەنجام دا.
وەزارەتی پێشمەرگەی هەرێمی كوردستان لە راگەیەندراوێكدا
رایگەیاند "لەم ئۆپەراسیۆنەدا هەریەك لە لیوای٣ و لیوای٥ و فەوجی تایبەتی میحوەری
یەك و هێزێك لە میحوەری دووی هێزەكانی پێشمەرگە، بەشداریان تێدا كردووە".
باسی لەوەشکردووە، توانیان كێو ماڵی تەواوی ئەو
ناوچانە بكەن و ئۆپەراسیۆنێكی جۆری ئەنجام بدەن، لە كاتژمێر ١١ كۆتایی بە گەڕان و
پشكنینەكە هات.
ئەمە لەکاتێکدایە لە هێرشێكی چەكدارانی ت داعش
بۆسەر هێزەکانی پێشمەرگە لە چەند شەوی ڕابردوودا لە سنووری گەرمیان چەند پێشمەرگە
شەهید و بریندار بوون.