بافڵ جەلال تاڵەبانی ڕایگەیاند،
"پێویستە ئە‌و بیرە توندڕەویەی رێکخراوی تیرۆرستی داعش لە پاڵ چارەسە‌رە
سە‌ربازییە‌كە‌دا ریشە‌كێش بكرێت".
ئەمڕۆ هەینی ٣ی کانوونی
یەکەم، بافڵ تاڵەبانی ڕایگەیاند "پە‌لامارە‌كانی داعشی تیرۆریست و شە‌ھیدبوونی
پێشمە‌رگە و ھاوڵاتی سڤیل لە دە‌ڤە‌ری قە‌رە‌چوغ بە توندی ئیدانە دەكەین،
پرسە و سە‌رە‌خۆشی خۆمان ئاڕاستە‌ی كە‌سوكارە‌كانیان دەكەین و ھیوای زو چاکبونە‌وە
بۆ بریندارە‌كان دە‌خوازین".
دەقی راگەیەندراوی
نوسینگەی رۆژنامەوانی بافڵ جەلال تاڵەبانی بەم شێوەیەیە:
پە‌لامارە‌كانی داعشی
تیرۆریست و شە‌ھیدبوونی پێشمە‌رگە و ھاوڵاتی سڤیل لە دە‌ڤە‌ری قە‌رە‌چوغ بە
توندی ئیدانە دەكەین، پرسە و سە‌رە‌خۆشی خۆمان ئاڕاستە‌ی كە‌سوكارە‌كانیان دەكەین
و ھیوای زوو چاکبوونە‌وە بۆ بریندارە‌كان دە‌خوازین.
گرووپی تیرۆریستی
داعش و مە‌ترسییە‌كانی ھێشتا ماوە و ھێرشە یە‌ك لە‌دوای یە‌كە‌كانیان ئاماژە‌ن
بۆ ھە‌وڵە‌كانی خۆرێكخستنە‌وە‌یان، بۆیە ئە‌ركی سە‌رشانی ھە‌موولایە‌كمانە، بە‌ھێزی
پێشمە‌رگە و ھێزە عێراقییە‌كان و ھاوكارانمان لە ھێزە ھاوپە‌یمانە‌كان لە‌و مە‌ترسییە
ووردتر بە‌ئاگا بین، ئە‌م جارە تە‌نھا لە رووی سە‌ربازییە‌وە رووبە‌روویان نە‌بینە‌‌وە،
بە‌ڵكو بیر و شانە نوستووە‌كانیشیان لە‌بن بێنین، چونكە بیری توندڕە‌وی بە‌كردە‌یی
چێندراوە و پێویستە ئە‌و بیرە توندە لە پاڵ چارەسە‌رە سە‌ربازییە‌كە‌دا
ریشە‌كێش بكرێت.
داوا لە برایانمان
دە‌كە‌م، برا پێشمە‌رگەكانمان، وریاتر بن لە پاراستنی ژیانی خۆیان وە‌ك چۆن خاك و
نیشتمانە‌كە‌یان دە‌پارێزن، چونكە دڵۆپێك خوێنی پێشمە‌رگە ھێندە‌‌ی گە‌ورە‌یی
وقورسایی شاخە‌كان بە ئازارە بۆ ئێمە.
دووبارە دروود بۆ
گیانی پاكی شە‌ھیدان و سە‌بووری بۆ كە‌سوكارە‌كە‌یان دە‌خوازین.
بافڵ جەلال
تاڵەبانی