خانمه‌ ئه‌كته‌ری کورد،  نیگار عوسمان له‌ڕێی هه‌ژماره‌ فه‌رمیه‌كه‌ی‌ له‌ تۆڕی كۆمه‌ڵایه‌تی فه‌یسبووك  بە بڵاو کردنەوەی وێنەیەک ئاشکرای کرد کە هاوسەر گیری کردووە.

خانمە ئەکتەر نیگار له‌سه‌ر وێنه‌ی‌ خۆی و هاوسه‌ره‌كه‌ی‌ نوسیویه‌تی"موقەدەسەکەم،هاوژینە شیرینەکەم،بوونت لە ژیانم پیرۆز بێت" ئەمەش ئەوە دەگەیەنێت نیگار بەفەرمی ئاشکرایدەکات کە هاوسەرگیری لەگەڵ ئەو گەنجە  کردووە بە ناوی (مه‌زده‌ك)ە.

نیگار لە رۆژهەڵاتی كوردستان لە دایك بووە و دەرچووی زانكۆی تارانە، تا ئێستە بەشداری پێنج دراما و ١٥ فیلمی درێژ و ١٦ كورتە فیلم و حەوت شانۆگەری كردووە، نیگار جگه‌ له‌وه‌ی‌ ئەکتەر و شانۆکاره‌، پێشتر وەرزشوانی تایکواندۆ بووە، هەروەها، نیگار خاوەنی چەندان خەڵاته‌ و یه‌كێك له‌و دارامایانه‌ی‌ به‌شداری تیادا كردوه‌(سه‌مای ته‌رزه‌)بوو  کە ئه‌م درامایه‌ له‌كاتی خۆیدا ده‌نگدانه‌وه‌یه‌كی زۆری به‌دوای خۆیدا هێنا.