باڕیارە ئەمڕۆ لە بارەگای
مەكتەبی سیاسی یەكێتی لە هەولێر، قوباد تاڵەبانی لەگەڵ مالكی و شاندی باڵای شیعەكان
كۆببێتەوە.
ئەمڕۆ چوارشەممە ٢٢ی
کانوونی یەکەم ، نوری مالكی، بە سەرۆكایەتی شاندی هەماهەنگی شیعەكان گەیشتە هەولێر و لەگەڵ مەسعود بارزانی، سەرۆكی پارتی دیموكراتی كوردستان كۆبووەوە، هەر ئەمڕۆ
مالكی و شاندە باڵاكەی شیعە لە مەكتەبی سیاسی یەكێتیی نیشتمانیی كوردستان لە هەولێر
لەلایەن قوباد تاڵەبانی و عیماد ئەحمەد، ئەندامانی مەكتەبی سیاسی ئەو حزبەوە پێشوازییان
لێكرا.
هاتنی شاندی هەماهەنگی
شیعەكان بۆ هەولێر، بۆ ڕێككەوتنە لەسەر پێكهێنانی حكومەتی نوێ و كۆبوونەوەی پەڕلەمان
و دیاری كردنی كوتلەی گەورەی پەڕلەمانیە، كە موقتەدا سەدر، سەرۆكی ڕەوتی سەدر و سەرۆكی
هاوپەیمانی سائیرون بەهۆی بەدەستهێنانی زیاتر لە ٧٠ كورسی خۆی وەك گەورەترین هاوپەیمانی
ناساندووە.
لە ١٠ی تشرینی یەکەمی ڕابردووەوە،
كە دوو مانگ و نیو تێپەڕیوە بەسەر هەڵبژاردنی پێشوەختەی پەڕلەمانی عێراق، بەڵام تا
ئێستاش بەهۆی ململانێكانی ناو ماڵی شیعەوە حكومەتی نوێ پێكنەهێنراوە لەكاتێكدا چەند
ڕۆژێكی كەمی ماوە بۆ كۆتایی هاتنی ئەمساڵ.