ئەندامێکی پێشووی پەرلەمانی عێراق لە فراكسیۆنی گۆڕان داوای
هەڵوەشاندنەوەی گۆڕان دەکات وەک ڕێز وشکۆیەک بۆ دامەزڕێنەرانی ئەو حیزبە.
یوسف محەمەد یوسف محەمەد سەرۆكی پێشووی پەرلەمانی
كوردستان و ئەندامی پێشووی پەرلەمانی عێراق لە فراكسیۆنی گۆڕان لە لێدوانێكدا ڕایدەگەیەنێت،
"وەك وەفایەك بۆ رێكخەر و دامەزرێنەری كۆچكردووی كورد نەوشیروان مستەفا پێویستە
بزووتنەوەی گۆڕان هەڵبوەشێندرێتەو".
لێدوانەکەی یوسف محەمەد لەكاتێكدایە بڕیارە ٢٦ی
ئەم مانگە بزووتنەوەی گۆڕان كۆنفڕانسی خۆڕێكخستنەوە ببەستێت و هاوكات رێكخەری نوێش
كە ناوی چیا نەوشیروان مستەفا دەهێندرێت هەڵببژێردرێت.
ئەمەش دوای پێكهێنانی دەستەیەكی ٧ كەسی دێت بۆ
رێبەرایەتی گۆڕان تا بەستنی كۆنفڕانس و پێش ئەم دەستەیەش لیژنەیەكی دیكە دوای شكستی
هەڵبژاردنەكانی ئۆكتۆبەر پێكهاتبوو، هەروەها بەرپرسانی گۆڕان دەڵێن ئەوان خۆیان رێكدەخەنەوە
و دەچنەوە سەر رێچكەری كارکردنی رابردوویان.