سەنتەری میترۆ بۆ داكۆكی لە مافی رۆژنامەنووسان رایدەگەیەنێت" ساڵی رابردوو 353 پێشێلكاری بەرامبەر 260 رۆژنامەنووس و دەزگای میدیایی ئەنجامدراوە كە سەرەكیترینیان رێگری و جیاكاری بووە".
سەنتەری میترۆ بۆ داكۆكی لە مافی رۆژنامەنووسان ئەمڕۆ راپۆرتی ساڵی رابردووی پێشێلكارییەكانی رۆژنامەنووسانی بڵاوكردەوە كە تێیدا هاتووە" 353 پێشێلكاری بەرامبەر 260 رۆژنامەنووس و دەزگای میدیایی ئەنجامدراوە كە سەرەكیترینیان رێگری و جیاكاری بووە 189 حاڵەت، 81 هێرش و لێدان و سوكایەتی، 25 دەستبەسەركردن و بەبێ بڕیاری دادگا، 25 زەوتكردنی كەلوپەلی رۆژنامەوانی، 13 هەڕەشە، حەوت شكاندنی كەلوپەلی رۆژنامەوانی، یەک تەقەكردن لە رۆژنامەنووس، چوار رۆژنامەنووسی حوكمدراو بەدەر لە یاسای كاری رۆژنامەنووس، دوو هەڵكوتانە سەر و داخستنی بارەگای كەناڵ، شەش پڕكردنەوەی بەڵێننامە".
هەر بەپێی راپۆرتەكەی میترۆ، لە 10 ساڵی رابردووشدا دوو هەزار و 632 پێشێلكاری بەرامبەر دوو هەزار و 165 رۆژنامەنووس و كەناڵی راگەیاندن ئەنجامدراوە بەم شێوەیە:
41 برینداربوون بە فیشەك و بۆمب.
35 سوتاندن و تێكدان و داخستنی كەناڵ.
547 لێدان و سوكایەتی و هەڕەشە.
345 دەستگیركردن و دەستبەسەركردن بەبێ بڕیاری دادگا.
100 دەستگیركردن بەدەر لە یاسای كاری رۆژنامەنووسی.
1113 رێگری و جیاكاری.
130 شكاندنی كەلوپەلی رۆژنامەوانی.
219 زەوتكردنی كەلوپەلی رۆژنامەوانی.
3 سوتاندنی ئوتومبیل.
40 تەقەكردن لە رۆژنامەنوس و هەڵكوتانە سەر ماڵ.
16 تەشویش و هێرشی ئەلكترۆنی.
10 پڕكردنەوەی بەڵێننامە.
12 راگرتنی پەخش.
8 هەراسانكردنی سێكسی.
3 رێگریكردن لە گەشت بۆ دەرەوەی وڵات.