وەزارەتی تەندروستی عێراق ئاماری (٢٤) کاتژمێری ڕابردووی توشبوون و مردن و چاکبوونەوەی بە کۆرۆنا ڕاگەیاند و بەپێی ئامارەکە زیاتر لە شەش هەزار کەسی دیکە تووشی کۆرۆنا بوون.
وەزارەتی تەندروستی و ژینگەی عیراق ڕایگەیاند" لە ماوەی (٢٤) کاتژمێری رابردوو شەش هەزارو ٤٨٧ حاڵه‌تی نوێی تووشبوون به ڤایرۆسی كۆرۆنا ده‌ستنیشانكراوە، هەروەها (١٠) حاڵەتی گیان لەدەستدان تۆمارکرا و (٦٤٨) تووشبووی ڤایرۆسی کۆرۆناش چاکبوونەتەوە".
لەسەرەتای بڵاوبوونەوەی پەتای کۆرۆنا لە عێراق تائێستا دوو ملیۆن ١٢٥ هەزار و ٢٦٦ كەس تووشی کۆرۆنا بوون و لەوانە ٢٤ هەزارو ٢٦٢ كەسیان گیانیان لەدەستداوە و دوو ملیۆن و ٧١ هەزارو ١٢٠ كەسیان چاكبوونەتەوە.