دەروازەی حاجی ئۆمەران بڵاویکردەوە، ئێران
ڕەزامەندی داوە کە هەموو کاڵاو کەرەستەو کولوپەل و خۆراکی وڵاتانی دیکە،
بەدەروازەی نێودەوڵەتی حاجی ئۆمەراندا بهێندرێتە ناو هەرێمی کوردستان.
ئەمڕۆ یەکشەممە ٢٣ی کانوونی دووەم، لە راگەیەندراوێکدا بەشی راگەیاندن و پەیوەندیەکانی
دەروازەی سنوری حاجی ئۆمەران بڵاویکردەوە "ئاگاداری هەموو بازرگانان و کۆمپانیاکان
و خاوەنکارەکان و هەناردەکاران و هاوردەکاران دەکەین بەپێی خاڵی دوازدەی یاداشتنامەی
لێکتێگەیشتنی نێوان هەردوو پارێزگاری هەولێر و پارێزگاری ئازەربایجانی رۆژئاوای ئێران
هەموو ئەو کاڵا و کەلوپەل و خۆراکی بیانی کە بە شێوەی ترانزێت لە ئێرانەوە لە دەروازەکانی
تری هەرێمی کوردستان هاوردە دەکرێن، لە ئێستادا لە دەروازەی حاجی
ئۆمەرانیش رێگایان پێدەدرێت و هاوردەی هەرێمی کوردستان دەکرێن.
ئەو ڕاگەیاندراوەی کە بەشی ڕاگەیاندنی دەروازەی حاجی ئۆمەران بڵاوی
کردووەتەوە، ئەوە دەگەیەنێت کە گومرگەکانی ئێران ئەو بڕیارەی جێبەجێکردووە
و لە ئەمڕۆ بەدواوە ئێران رێگادەدات هەمو کاڵا و کەرەستە و کەلوپەل و خۆراکی وڵاتانی
بیانی بە دەروازەی نێودەوڵەتی حاجی ئۆمەرانەوە هاوردەی هەرێمی کوردستان بکرێت.