هاوپەیمانی سەروەری سوننەکان لهبارهی بڕیارهكهی دادگای فیدڕاڵی عێراق ڕاگەیەندراوێکی بڵاوکردەوە و دەڵێت" بڕیارهكهی دادگای فیدڕاڵی له مكاتهدا قهیرانهكان قوڵتر دهكاتهوه".
هاوپەیمانی سەروەری سوننەکان بەیاننامەیەکی دەربارەی بڕیارەکەی دوێنێی دادگای فیدڕاڵی کە دەرهێنان و فرۆشتنی نەوتی هەرێمی کوردستانی بە نادەستووری لە قەڵامدا بڵاوکردەوە و تێیدا هاتووە" دواخستنی بڕیاری دادگای فیدڕاڵ سەبارەت بەو پرسە هەستیار و جەوهەریانە، چارەسەری قەیرانەکان ئاڵۆزتر دەکات و وڵات بۆ ئەگەری نادیار دەبات".
لە بەشێکی تری بڵاوکراوەکەدا هاوپەیمانی سەروەری سونی کە خەمیس خەنجەر سەرۆکایەتی دەکات ئەوەشی خستۆتەڕوو، ئێمە لە هاوپەیمانی سەروەری بڕوامان بە شەراکەت و بنەماکانی یەکسانی هەیە، بە مافی گەلی عێراقی دەزانین لە سامانە سروشتییەکانی وڵاتەکە بەبێ جیاوازی سودمەند ببن.
لە ڕاگەیەندراوەکەدا هاوپەیمانی سەروەری سوننەکان داوا لە هەردوو حکومەتی هەرێم و حکومەتی فیدڕاڵی دەکات، کە دەست بە دانوستانەکانیان بکەنەوە بەشێوەیەکی راستەوخۆ بە ئامانجی چارەسەرکردنی ئەو کێشانە.