ئەمڕۆ لە کۆنگرەیەکی رۆژنامەوانیدا، کارلۆ ئەنچلۆتی راهێنەری یانەی ریاڵ مەدرید باسی لە یاریەکەی رۆژی سێشەممە کرد بەرامبەر بە یانەی پاریس سانجێرمان کە تێیدا دوو یاریزانی کارتی زەردی وەرگرت و بۆ یاری داهاتوو بێبەشبوون و ناوبژیوانی ئیتاڵی ئۆرساتۆ لێدانێکی سزاشی دژی یانەکەی بۆ پاریس گرت.

ئەنچلۆتی رایگەیاند من خراپ بیر ناکەمەوە، بەڵام ئەوە راستیەکەیە لە نێوان گێمەکان بە چاوی خۆم بینیم سەرۆکی پاریس خەلێفی و لیوناردۆی بەڕێوەبەر قسەیان لەگەڵ ئۆرساتۆی ناوبژیوانی یاریەکە کرد، دوای یاریەکەش پێم وت کە دادپەروەر نیە یاریزانەکانم کارتی زەردیان وەرگرت.

لەسەر یاری سبەی ئەلاڤێس کە لە کاتژمێر 11:00 ئەنجام دەدرێت وتی' دژی یانەیەک یاری دەکەین کە  ریتم و ناسنامەی هەیە،ئەمەش پاش شکستەکەی پاریس، دەبێت سەرنج بدەینە  سەر ئەم یارییە و دەمانەوێت جیاوازیەکە لە خولەکەدا بهێڵینەوە، هەست بە دڵەڕاوکێ ناکەم، چونکە کوالێت و کاراکتەری ئەم یاریزانانە دەزانم و دەبێت بەردەوام بن، ئەمە ئەو شتانەیە کە ئێمە عادەتەن بە باشی ئەنجامی دەدەین، ئەمە وردەکارییە".