وتەبێژی پۆلیسی هەولێر لە كۆنفرانسێكی رۆژنامەنوسیدا باسیلەوەکرد، ئەمڕۆ هێزەكانیان لە مزگەوتەكانی شاری هەولێر و دەوروبەری خرانە حاڵەتی ئامادە باشییەوە، بەمەبەستی دەستگیركردنی ئەو كەسانەی سواڵدەكەن لەبەردەم مزگەوتەكان.

هۆگر عەزیز، وتەبێژی پۆلیسی هەولێر دەڵێت، ئەمڕۆ هێزەكانیان لە مزگەوتەكانی شاری هەولێر و دەوروبەری خرانە حاڵەتی ئامادە باشییەوە، بەمەبەستی دەستگیركردنی ئەو كەسانەی سواڵدەكەن، وتیشی" لە ئەنجامی هەڵمەتەكەدا ٤٨ سواڵكەریان دەستگیركردووە كە ٢٧ كەسیان ژن و كچ بوون، حەوت كەسیان پیاو و ١٣ كەسیشیان منداڵن كە لەلایەن دایك و باوكیانەوە بۆ مەبەستی سواڵكردن بەكاردەهێنرێن.

وتەبێژی پۆلیسی هەولێر باسی لەوەشکرد، ئەو كەسانە وەك پیشە ئەو كارە دەكەن و هەژار نین، تەنانەت ئەگەر بزانن خاوەن ماڵ لەماڵەوە نییە، لەوانەیە بچنەژورەوە و دزیش بكەن.

وتیشی "داوا لەسەرجەم هاوڵاتیان دەكەین هاوكاری ئەو كەسانە نەكەن كە لەبەردەم مزگەوتەكان یان لەبەردەم ماڵەكانیان دەگەڕێن و سواڵ دەكەن".