ئیدریس ئیسماعیل پەرلەمانتاری فراكسیۆنی پارتی لە پەرلەمانی كوردستان بۆ میدیای پارتی رایگەیاندوە "لە سلێمانی زماندرێژی و تەشهیر و سووكایەتیكردن بەرانبەر بە هاووڵاتییان و چین و توێژەكان لە ئازادیی تاك و بیروڕا و ئازادیی رادەربڕین زیاترە، ئەوەی باس لە ئازادی دەكرێت لە سلێمانی بوونی نییە و راست نییە، ئەوانەی باسی ئازادیی تاكیان دەكرد، با وەڵامێكیان هەبێت بۆ ئەو رووداوانەی چەند رۆژی رابردوو".

هەروەها وتویەتی "ئەوانە لە ژێر میدیای ئازاد و دیموكراسی لە سلێمانی قسەیان دەكرد، بێدەنگییان هەڵبژارد بەرانبەر ئەو سووكایەتی و قسە و هەڕەشانەی كە لە شارەكەدا بەردەوام روو دەدەن، لە ناویشیاندا هێرشكردنە سەر مامۆستایەكی ئاینی".