پاشنیوەرۆی ئەمڕۆ سێشەممە لەسەر رێگەی پێنجوێن – سلێمانی رووداوێکی هاتوچۆ روویدا، روداوەکەش بووە هۆی گیان لەدەستدانی  شۆفێری ئۆتۆمبێلەکە .

بەڕێوەبەرایەتی هاتوچۆی پێنجوێن بڵاویکردەوە، ئەمڕۆ سێشەممە لەسەر رێگەی پێنجوێن – سلێمانی بەدیاری کراوی ناحیەی ناڵپارێز رووداوێکی هاتوچۆ لەجۆری وەرگەڕان روویداوە، لەئەنجامیشدا شۆفێری ئۆتۆمبێلە بارهەڵگرەکە کە هاوڵاتییەکی خەڵکی ئێرانە گیانیلەدەستدا، ئەوەشهاتووە، هێڵکاری بۆ روداوەکە کراوە و تەرمی شۆفێرەکەش بۆ پزیشكیی دادیی پێنجوێن گوازراوەتەوە.

ئەمەش لەکاتێکدایە، ساڵانە بەهۆی رووداوی هاتوچۆوە، نزیکەی، سەدان کەس لە هەرێمی کوردستان گیان لەدەست دەدان، و هەزاران کەسی دیکەش بریندار دەبن.