بەهۆی دواکەوتنی مووچەکانیان دووبارە فەرمانبەران و مامۆستایانی زانکۆ دەستیان بەخۆپیشاندان کردەوە، ٤٥ڕۆژ تێپەڕیوە بەسەر وادەی ئاسایی کاتی دابەشكردنی مووچە، بەڵام وەک خۆیان باسی دەکەن هێشتا مووچەی مانگی ئازار (٣) وەرنەگرتووە .

بەیانی ئەمڕۆ شەممە ١٤ی ئایار، خۆپیشاندان و بایكۆتی مامۆستایان و فەرمانبەرانی زانكۆی سلێمانی لە هەردوو كامپی كۆن و نوێی زانكۆ دەستی پێكردەوە بۆ داواكردنی مووچە ، كە مافی ئاسایی و یاسایی فەرمانبەرانە.

ئەمەش لەکاتێکدایە، دواین كات كە مووچە دراوە بە مامۆستایان و فەرمانبەرانی سەر بە خوێندنی باڵا لە سنووری سلێمانی و هەڵەبجە لە مانگی ٣ بوو، كە مووچەی مانگی ٢ یان لەمانگی ٣ وەرگرت،لە ئێستاشدا خشتەی دابەشكردنی مووچەی مانگی نیسان (4) ڕاگەیەنراوە سەرەڕای دواخستنی مووچەی ئەو مانگەش بۆ مانگی ئایار (5).