بەڕێوەبەری فڕۆكەخانەی نێودەوڵەتی هەولێر رایگەیاند، بەهۆی خۆڵبارینەوە گەشتەكانیان راگرتووە.
ئەحمە هۆشیار، بەڕێوەبەری فڕۆكەخانەی نێودەوڵەتی هەولێر بە (رووداو)ی راگەیاندووە، دوای كاتژمێر ٦ی ئێوارەی ئەمڕۆ، بەهۆی خۆڵبارینەوە گەشتە ئاسمانییەكانیان راگرتووە و دۆخەكە بەرەو ئاساییبوونەوە دەچێت و بە زووترین كات دەست بە گەشتەكان دەكەنەوە.
بەپێی راپۆرتی بەڕێوەبەرایەتی كەشناسی هەرێمی كوردستانیش، ئەمشەو تا سبەینێ خۆڵبارین لە كوردستان بەرەو كەمبوونەوە دەچێت.