بەڕێوەبەرایەتی ئاوی سلێمانی رەتیدەكاتەوە تەنكییەكانی بەڕێوەبەرایەتییان پیس بێت و ئاژەڵی مرداربووی تێدا بێت.
بەڕێوبەرایەتی ئاوی سلێمانی لە روونكردنەوەیەكدا رایگەیاندووە "ڤیدیۆیەك بڵاوكراوەتەوە لە هەندێك پەیج و دەزگای ڕاگەیاندن و تیایدا ئاماژە بەوە كراوە كە تانكی بەڕێوەبەرایەتی ئاوی سلێمانی پیسە و ئاژەڵی مرداربووی تێدایە".
بەڕێوەبەرایەتی ئاو دەڵێت "ئێمە هاوڵاتیان دڵنیا دەكەینەوە ئەو تانكیە دوور و نزیك پەیوەندی بە خەزان و تانكیەكانی بەڕێوبەرایەتیمانەوە نییە، ئێمە هەموو سێ بۆ شەش مانگێك تانكیەكانی بەڕێوەبەرایەتیمان لەلایەن ستافێك لە ئەندازیار و كارمەندی هونەری پاك دەكرێنەوەو دەشۆرێت و بەردەوام بەدواداچونی بۆ دەكرێت".