وتەبێژی پۆلیسی دارستان و ژینگەی سلێمانی ئاشكرایكرد، ئەمڕۆ چوار شەممە ٦ ی حوزەیران،  لەقەزای ماوەت نزیكەی ٧٠ دۆنم پووش و پاوانی هاووڵاتییان سووتا.

هێمن كەمەرخان، وتەبێژی پۆلیسی دارستان و ژینگەی سلێمانی ئاشكرایكرد ئاگرێكی بەرفراوان لە سنووری قەزای ماوەت كەوتووەتەوە، مەفرەزەكانی بەشی پۆلیسی دارستان و ژینگەی ماوەت گەیشتنە شوێنی ڕووداوەكە و توانییان بە هەماهەنگی لەگەڵ ئاگركوژێنەوەی ماوەت، ئاگرەكە كۆنترۆڵ بكەن.

هەر بەهۆی ئاگرەكەوە، نزیكەی ٧٠  دۆنم پووش و پاوان و داری سروشتی، لەگەڵ سێ دۆنم ڕەز و باخی هاووڵاتییان سووتاوە، ئاماژەی بەوەشکردووە، هۆكاری كەوتنەوەی ئاگرەكە دیار نییە و لێكۆڵینەوەش لەوبارەیەوە دەستی پێ كردووە.