پارێزگای هەولێر ئاشکرایکرد،
تەنها لەماوەی سێ ڕۆژی ڕابردوودا ١٥ بەنزینخانەی دیكە بەهۆی فرۆشتنی بەنزینی خراپ
و دەستكاریكردنی كوالیتییەكەی سزادران و ڕێكاری یاسایی لەبەرامبەر خاوەنەكانیان گیراوەتەبەر.
ئەمڕۆ پێنج شەممە، پارێزگای
هەولێر لە ڕاگەیەنراوێكدا بڵاویكردەوە، لە ڕۆژی لە ١٧ حوزەیران تا ٢١ی حوزەیران، بەهۆی
خراپی ئەو بەنزینەی دەیفرۆشن بەهاووڵاتیان و لەبەرامبەر دەستكاریكردنی كوالیتی بەنزین،15
بەنزینخانەی دیكە لە هەولێر ودەوروبەری لەلایەن لیژنەی پشكنین و چاودێریكردنی بەنزینخانەكانی
سەر بە بەڕێوەبەرایەتی نەوت و كانزاكانی هەولێر سزادراون و ڕێكاری یاسایی لەبەرامبەر
خاوەنەكانیان گیراوەتەبەر.
هەر لە
ڕاگەاندراوەکەدا ئەوەش هاتووە، لەسەرەتای مانگی (٦)ی ئەمساڵ تا ئەمڕۆ كۆی گشتی ئەو
بەنزینخانەی سزادراون (١٥١) بەنزینخانەن، لەو ژمارەیەشدا (٦ بەنزینخانە بەهۆی
دووبارەكردنەوەی سەرپێچی و دەستكاریكردنی كوالیتیی و فرۆشتنی بەنزینی خراپ بەهاووڵاتییان،
ناوەكانیان بڵاو دەكەینەوە.
ناوی بەنزینخانەكان:-
یەكەم/ وێستگەی كلاس
دووەم/ وێستگەی سەیداوە
سێیەم/ وێستگەی
كوردستان
چوارەم/ وێستگەی هامان
پێنجەم/ وێستگەی ڕزگاری
شەشەم/ وێستگەی بەهاری
نوێ