وەزارەتی ناوخۆی حكومەتی
هەرێمی كوردستان ڕایگەیاند "دەسەڵاتی
پێدانی مۆڵەتی چەك لەلایەن وەزیری ناوخۆ، پارێزگارەكان و سەرپەرشتیاری ئیدارە سەربەخۆكانەوە
دەبێت".
ئەمڕۆ دووشەممە، بەپێی
نوسراوێكی وەزارەتی ناوخۆ کە تییدا نوسراوە "مۆڵەتی دەستداری و هەڵگرتن و نوێكردنەوەی
چەكی ئاگرین تفاقی، بەپێی ماددەی پێنج لە یاسای چەك، دەدرێت بە هاووڵاتییانی دانیشتووی
هەرێمی كوردستان".
وەزارەتی ناوخۆ
ڕایدەگەیەنێت "بڕی تفاقی رێگەپێدراو بۆ چەكی ئاگرینی مۆڵەت پێدراو بەمشێوەیە
دەبێت: چەكی ئاگرین لە جۆری دەمانچە ٤٥ فیشە، چەكی ئاگرین قەبارە ٣٩ و ٧.٦٢،( ١٢٠)
فیشەك".
جەختی لەوەشکردووەتەوە،
پێشكەشكردنی داواكاری بۆ دەسەڵاتی مۆڵەتدان لە وەزارەت یان بەڕێوەبەرایەتی كاروباری
ناوخۆی پارێزگا و ئیدارە سەربەخۆكان دەبێت، بۆ پێدانی مۆڵەتی دەستداری یان هەڵگرتن
یان هەردووكیان بەیەكەوە كە هۆكار و پاساوی رەوای داواكردنی مۆڵەتەكە لە خۆگرتبێت.
دەشڵێت " دەبێ شەش
وێنەی رەنگاوڕەنگ، كارتی نیشتمانی عێراقی و ناسنامەی باری شارستانی، هێنانی بەڵگەنامەی
( عدم محكومیە) لە بەڕێوەبەرایەتی لێكۆڵینەوەی بەڵگەكانی تاوان، وەرگرتنی رەزامەندی
ئاسایش، هێنانی راپۆرتی پزیشكی لەلایەن لیژنەی پزیشكی فەرمی كە بیسەلمەنێنێت شیاوە
بۆ دەستداری و هەڵگرتنی چەك لە رووی دەروونی و جەستەیی و عەقڵییەوە".