ئەنجومەنی ئاسایشی نێودەوڵەتی سەرکۆنەی هێرشەکەی گوندەکەی زاخۆی کرد و پشتگیری لێکۆڵینەوە دەکات بۆ دیاریکردنی لایەنی هێرشبەر.
میدیاکانی عێراق بڵاویانکردەوە، ئەنجومەنی ئاسایشی نێودەوڵەتی سەرکۆنەی هێرشەکەی بۆ سەر پارێزگای دهۆک دەکات و دەشڵێت، "پشتیوانی سەربەخۆی و سەروەری و یەکپارچەیی خاکی عێراق دەکەین."
ئەنجومەنی ئاسایش ئاماژەی بەوەشکردووە له لێكۆڵینه‌وه‌كانی هێرشه‌كه‌دا پشتیوانی له ده‌سه‌ڵاتدارانی عێراق دەکەن و داواش له هه‌موو وڵاتانی ئه‌ندام دەکەن هاوكاری حكومه‌تی عێراق بكه‌ن بۆ پاڵپشتی له لێكۆڵینه‌وه‌كان.
سبەی سێشەممە ٢٦ی تەمووز ئه‌نجومه‌نی ئاسایشی نێوده‌وڵه‌تی دانیشتنێکی بەپەلە ئەنجامدەدات لەبارەی هێرش و دستدرێژییەکانی تورکیا بۆ سەر خاکی عێراق لەسەر داوای حکومەتی عێراق و وەفدێکی باڵای عێراق بە سەرۆکایەتی د. فواد حسێن بەرەو نیوۆرک رێککەوتن.