ئەمڕۆ چوارشەممە ٢٧ی تەموزی ٢٠٢٢ وەزارەتى بەرگرى تورکیا کوژرانى دوو سەربازی خۆی لە باکوری سووریا راگەیاند.
وەزارەتی بەرگری تورکیا لە ڕاگەیەندراوێکدا ئاماژەی بەوەکردووە" دوو سەربازی سوپاکەمان بە ناوەکانی (مەرت ئۆتال و مەولود یۆغورتچوو) لە باکوری سووریا کرانە ئامانج و دوای برینداربوونیان سەربازەکان گەیێندراونەتە نەخۆشخانە و پاشان گیانیان لەدەستداوە".
لە بەشێکی تری بڵاوکراوەکەدا ئەوەش هاتووە" ئەو دوو سەربازە بە تەقەی هێزەکانی پاراستنی گەل - یەپەگە کراونەتە ئامانج.
هێزەکانی پاراستنی گەل (یەپەگە) تا ئێستا هیچ روونکردنەوەیەکی فەرمی لەمبارەیەوە بڵاونەکردۆتەوە.