موقتەدا سەدر، رێبەری رەوتی سەدر جارێكی دیكە جەخت لەسەر هەڵوەشاندنەوەی پەرلەمانی عێراق و ئەنجامدانی هەڵبژاردن دەكاتەوە.
موقتەدا سەدر لە وتارێكدا ئەمڕۆ چوارشەممە، داوایكرد پەرلەمان هەڵوەشێتەوە و دواتر هەڵبژاردن ئەنجام بدرێت، داواشی لەلایەنگرانی كرد لە مانگرتن بەردەوام بن تا داواكانیان بەدی دێت.
ناوبراو وتی "خوازیاری دەسەڵات نیم و گەل لە چینی دەسەڵاتداران بێزار بووە، ئامادەم لە پێناو چاكسازیی شەهید بم".
ئەو پەیامەی سەدر لە كاتێكدایە هەفتەیەكە لایەنگرانی دەستیان بە خۆپیشاندان كردووە و بۆ ماوەی چەند رۆژێكیش دەستیان بەسەر پەرلەمانی عێراقدا گرت.