ئەمڕۆ  یەک شەممە، وەزارەتی خوێندنی باڵا و توێژینەوەی زانستی ئەپلیکەیشنێکی نوێی بۆ خوێندکار، فەرمانبەر، هاوڵاتییان و مامۆستایان بڵاوکردەوە.

 وەزارەتی خوێندنی باڵا و توێژینەوەی زانستی لە راگەیەندراوێکدا ڕایگەیاند " لە ئێستادا ئەپڵیکەیشنى MHE  KRG  بەردەستە بۆ سیستەمەکانى Android و iOS کە خزمەتگوزارى Document Tracking دەخاتە خزمەتى هاوڵاتییان و مامۆستایان و فەرمانبەران و خوێندکاران و قوتابیانی کوردستان".

چۆنییەتی بەکار هێنانی ئەپلیکەیشنەکەشی باسکردووە، ئەگەر کەسی بەکارهێنەر، هەر نوسراوێکی هەبێت  لە زانکۆی  A و  ئاڕاستەى وەزارەتى خوێندنى باڵا و توێژینەوەى زانستى یان هەر فەرمانگەیەکی سەر بە وەزارەت کرابێت، دەتوانیت لە رێگەى داخڵکردنى ژمارەى نووسراوەکە و رێکەوتی نوسراوەکە رۆژانە لە رێگەى مۆبایلەکەتەوە بەدواداچوونی بۆ بکات و هەنگاو بەهەنگاو بزانی بەکوێ گەيشتووە".