کەمێک پێش ئێستا ئاسایشى سلێمانى ڕوونکردنەوەیەکی لەبارەبارەی کوژرانی گەنجێک بڵاوکردەوە و دەڵێت" لە کاتى دەستگیرکردنى دوو تۆمەتبارى تیرۆر لە سلێمانى، ڕووبەڕووبوونەوە روویداوە و بەهۆیەوە گەنجێک کوژراوە، کە پەیوەندی بە ڕووداوەکەوە نەبووە".
بەڕێوەبەرایەتی ئاسایشی پارێزگای سلێمانی لە ڕاگەیەندراوەکە ئاماژەی بەوەکردووە" پاش نیوەڕۆی دوێنێ یەکشەممە لە کاتێکدا هێزەکانمان لە ئەرکێکی فەرمیدا و لەسەر فەرمانی دادوەر لە ناو بازاڕی شاری سلێمانی هەستان بە دەستگیرکردنی دوو تیرۆریست".
ئەوەش هاتووە" لە کاتی دەستگیرکردنیاندا تیرۆریستەکان هەوڵیاندا خۆیان دەرباز بکەن، بەڵام هێزەکانمان لێیان هاتنە دەست و قۆلبەست کران، جێگەی داخە لە کاتی ڕووبەڕووبوونەوە لەگەڵ تیرۆریستەکان هاوڵاتیەکی شارەکەمان کە لە خێزانێکی دڵسۆز و خەباتگێرن شەهید بوو، دوا بە دوای ڕووداوەکە دەستبەجێ لیژنەیەکی لێکۆڵینەوە پێکهێنرا و لێکۆڵینەوە بەردەوامە".
دەقى راگەیەنراوەکە:
رونکردنەوەیەک لە بەڕێوەبەرایەتی ئاسایشی پارێزگای سلێمانی
پاش نیوەڕۆی ئیمڕۆ یەکشەمە ١٤/٨/٢٠٢٢ لەکاتێکدا هێزەکانی ئاسایشی سلێمانی لەئەرکێکی فەرمیدا و لەسەر فەرمانی بەڕێز دادوەر لەناوبازاڕی شاری سلێمانی هەستان بەدەستگیرکردنی دوو تیرۆریست.
لەکاتی دەستگیرکردنیاندا تیرۆریستەکان هەوڵیاندا خۆیان دەربازبکەن ، بەڵام هێزەکانمان لێیان هاتنە دەست و قۆلبەست کران ، جێگەی داخە لەکاتی ڕووبەڕوو بوونەوە لەگەڵ تیرۆریستەکان هاوڵاتیەکی شارەکەمان کە لە خێزانێکی دڵسۆز و خەباتگێرن شەهید بوو ، وەک بەڕێوەبەرایەتی ئاسایشی سلێمانی ئەوپەڕی دڵتەنکی خۆمان و پرسەو ماتەمینی ڕادەگیەنین ، داواکارین لەخوای پەروەردگار بە بەهەشتی شاد بکات .
دوا بەدوای ڕووداوەکە دەست بەجێ لیژنەیەکی لێکۆڵینەوە پێکهێنرا و ليکۆڵینەوە بەردەوامە.
بەڕێوەبەرایەتی ئاسایشی پارێزگای سلێمانی