ئەندامێكی ئەنجومەنی پارێزگای سلێمانی
لێدوانێکی ڕۆژنامەوانیدا ڕایدەگەیەنێت "پێدانی
پرۆژەی كامێرای چاودێری بە كەرتی تایبەت نایاساییەو داوای ڕەتكردنەوەی پرۆژەكە دەكەین".
خدیجە عبدالجبار ئەندامی ئەنجومەنی پارێزگای سلێمانی
دەڵیت، "لەڕێگەی یاداشتێكەوە و بەواژووی
ژمارەیەك لە ئەندامانی ئەنجومەنی پارێزگای سلێمانی داوای ڕەتكردنەوەی پێدانی پرۆژەی
كامێرای چاودێری بە كەرتی تایبەتمان كرد لە پارێزگای سلێمانی، چونكە پێمان وایە ئەمە
سزایەكی ناڕەوایە و سەپاندنی زەریبەیەكی ترە بەسەر هاوڵاتیان و هەمیشە ئەم پارێزگایە
لەقوربانیدان كراوە بەسەر مەشق ".
خدیجە عبدالجبار وتیشی "سەرەڕای ئەوەی كە
شارەزایانی بواری یاسا ، پرۆسەكە بە پێشێلكاری یاسایی دەبینن و ئەنجومەنی پارێزگای
سلێمانیش كە نوێنەرایەتی سنورەكە دەكات دەتوانێت لە بەرژەوەندی گشتی داوای هەڵوەشاندنەوەی
گرێبەستەكە بكات" .