دابەشكردنی مووچەی مانگی حەوتی فەرمانبەر و مووچەخۆرانی هەرێم بەردەوامی هەیە، بڕیارە ئەمڕۆ و سبەینێ مووچەی چەند شوێنێكی دیكە دابەشبكرێت.
بەپێی ئەو لیستەی وەزارەتی دارایی و ئابووری حكومەتی هەرێمی کوردستان بڵاویكردووەتەوە،
سبەینێ چوارشەممە هەریەكە لە وەزارەتەكانی خوێندنی باڵاو توێژینەوەی زانستی، شارەوانی و گەشتوگوزار، مووچەی مانگی حەوت وەردەگرن.
ئەمڕۆش مووچەی وەزارەتەكانی، ئاوەدانكردنەوە و نیشتەجێكردن، ڕۆشنبیری و لاوان، كارەبا، دابەشدەكرێت.
ڕۆژی یەكی ئەم مانگە، دارایی هەرێم خشتەی دابەشكردنی مووچەی مانگی بۆ حەوت بڵاوكردەوە و بەپێی لیستەكەش لە ڕۆژی ٢٠ی ئەم مانگە كۆتایی بە دابەشكردنی مووچەی مانگی تەموز دێت.