یانەی سیڤیلیای ئیسپانی لە یەکەم یاریدا لە چامپیۆنزلیگ بەرامبەر مانچستەر سیتی لە ئینگلتەرا لە یاریگای خۆیدا تووشی دۆڕانێکی سەخت بوو، بە چوار گۆڵ.
لە خولەکەکانی یەکەمدا هەلێکی زۆریان بۆ تیپی میوانەکان ڕەخساند، کە کۆنترۆڵی ڕەهای تۆپی بەسەردا سەپاند، لە خولەکی ٢٠دا کوڕەکانی پیپ گواردیۆلای ڕاهێنەری ئیسپانی ئەو دەرفەتەیان قۆستەوە، چونکە توانیان لە ڕێگەی ئێرلینگ هالاندەوە گۆڵەکە بکەنەوە ،
هەوڵەکانی تیپی سیتی بەردەوام بوو، بەڵام تا کۆتایی گێمی یەکەم بە گۆڵێکی خاوێن شکستی هێنا.
لەگەڵ دەستپێکی گێمی دووەمدا، جولیان لۆپیتیگی ڕاهێنەر پلانی گونجاوی نەدۆزیەوە بۆ کەمکردنەوەی مەترسییەکانی تیپە ئاسمانییەکە، کە چەندین هێرشی مەترسیداریان دەستپێکرد، لەڕێگەیەوە توانی 3 گۆڵی لەسەریەک لەڕێگەی فیل فۆدنەوە تۆماربکات لەخولەکی 58دا، ئێرلینگ هالاند لە خولەکی 67، و ڕۆبن دیاز لە خولەکی 90.بۆ ئەوەی پشوویەکی نایاب بدەن بە تیپەکەیان تا کۆتایی یارییەکە بە ئەنجامی 4-0.
لەناو کێبڕکێکانی کۆمەڵەی Hدا، پاریس سانجێرمان سەرکەوتنێکی بەنرخی بەدەستهێنا لەو یارییەدا کە میوانداری یۆڤانتۆسی هاوتا ئیتاڵییەکەی کرد و ئەو ڕووبەڕووبوونەوەیەی لە پارک دی پرانس ڕوویدا بە ئەنجامی 2-1 کۆتایی هات.
دوو گۆڵی ئەستێرەەکانی پاریس کیلیان مباپێ لە خولەکەکانی 5 و 22 گۆڵەکانی تۆمارکرد، هاوکات خێرایی یارییەکە تا خولەکی 53 ئارام بووەوە، کاتێک وێستۆن مەکینی تاکە گۆڵی تیپی خانمە پیرەکەی تۆمارکرد.
لەهەمان رکابەریی گروپەکان، بەنفیکا بە دوو گۆڵی خاوێن لە ماکابی هایفای بردەوە، کە لە خولەکەکانی50 و 54 لەلایەن رافا سیلڤا و ئەلیخاندرۆ گریمالدۆوە تۆمارکران.