وادەی یەکەم بارانبارین لە هەرێمدا راگەیەندرا


دەستەی کەشناسی عێراق وادەی یەکەم باران بارینی رایگەیاند کە رۆژی چوارشەممە و پێنجشەممەی داهاتوو لە هەرێم ئاسمان نیمچە هەور و هەوری تەواودەبێت و ئەگەری بارینی نمەبارانی هەیە و هەورە بروسکەشی لەگەڵدا دەبێت.


ئەمڕۆ سێشەممە، دەستەی کەشناسی عێراق راگەیەنراوێکی بڵاوکردەوە و تیایدا هاتووە، سبەینێ چوارشەممە ئاسمانی هەرێم نیمچەهەوردەبێت و ئەگەری بارینی نمەبارانی هەیە و هەورە بروسکەشی لەگەڵدا دەبێت.


ئاماژەی بەوەشداوە، پلەکانی گەرماش هاوشێوەی رۆژی پێشتر دەبێت.

ئاماژەش بۆ ئەوە دەکات رۆژی پێنجشەممە ئاسمانی هەرێم نیمچەهەوردەبێت و هەندێجار دەگۆڕێت بۆ هەوری تەواو و ئەگەری بارینی نمەبارانی هەیە و هەندێجار هەورەبروسکەی لەگەڵدا دەبێت.

دەشڵێت،" پلەکانی گەرما بەراورد بەرۆژانی پێشتر چەند پلەیەک دادەبەزێت".

لە راگەیەنراوەکەی دەستەی کەشناسی ئەوەش خراوەتەڕوو رۆژی هەینی ئاسمانی وڵات ساماڵ دەبێت و لە هەرێمیش پلەکانی گەرما هاوشێوەی رۆژانی پێشتر دەبێت.



PM:11:07:20/09/2022